दमकमा ट्रकको ठक्करबाट मोटरसाइकलमा सवार पति–पत्नीको मृत्यु

बुधबार, १३ साउन २०७८
झापाको दमकमा ट्रकले मोटरसाइकललाई ठक्कर दिँदा मङ्गलबार राति पति–पत्नीको मृत्यु भएको छ ।

इलाका प्रहरी कार्यालय दमकका डिएसपी नवराज कार्कीका अनुसार सुनसरीको इटहरीबाट झापाको सुरुङ्गातर्फ जाँदै गरेको प्र २–०३–०१३ प ४७८७ नम्बरको मोटरसाइकललाई विपरीत दिशाबाट आउँदै गरेको ना ४ ख ८७३० नम्बरको ट्रकले ठक्कर दिँदा दुर्घटना भएको हो । राति १०ः१० बजेतिर दुर्घटना भएको प्रहरीले जनाएको छ ।

पूर्व–पश्चिम लोकमार्गअन्तर्गत दमक नगरपालिका–४ मा भएको दुर्घटनामा परेर एउटै परिवारका पति–पत्नीको मृत्यु भएको छ । दुर्घटनामा मोटरसाइकल चालक झापाको कनकाई नगरपालिका–३ का ४३ वर्षीय पूर्णबहादुर विष्ट र उनकी पत्नी ३६ वर्षीया भीमा विष्टको मृत्यु भएको डिएसपी कार्कीले बताए ।

उनका अनुसार दुर्घटनामा परेर गम्भीर घाइते भएका दुवै जनालाई उपचारका लागि लाइफलाइन अस्पताल दमक पुर्याउनसाथ चिकित्सकले मृत घोषित गरिदिएका हुन् । ठक्कर दिने ट्रक र चालक विराटनगर महानगरपालिका–४ का ४८ वर्षीय सुजन थापालाई नियन्त्रणमा लिएर घटनाका बारेमा अनुसन्धान थालिएको जानकारी कार्कीले दिए ।

उनका अनुसार ट्रकका चालकले मापसे ९मादक पदार्थ सेवन० गरेको खुलेको छ । मापसे गरेर चालकले तीव्र गतिमा ट्रक कुदाएका कारण दुर्घटना भएको प्रारम्भिक अनुसन्धानबाट खुलेको डिएसपी कार्कीले बताए ।