जनता अभियान बिहिबार, फाल्गुण १९, २०७८
युक्रेनमा छिमेकी मुलुक रुसले आक्रमण सुरु गरेको आज आठौं दिन पुगेको छ।
आक्रमण सुरु गरेको दिनदेखि आज सम्म अर्थात ८ औं दिनमा रुसी सैनिकले युक्रेनको एउटा क्षेत्रीय राजधानी कब्जामा लिएका छन्।साथै रुसी सैनिकले युक्रेनको राजधानी किएभ कब्जा गर्ने प्रयास जारी रहेको छ।तर, युक्रेनका नागरिकस्तरबाट रूसी आक्रमणको प्रतिरोध भइरहेकाले किएभको बाहिर पुगेको ३ दिन बितिसक्दा पनि रूसी सैनिकल उक्त राजधानी कब्जा गर्न सकेका छैनन्।
हुन त रुसी सैनिकले आज सम्म आक्रमण युक्रेनको नागरिकलाई नभइ युक्रेनका सेनालाई लक्षित गरेर आक्रमण गरेको बताएका छन्।तर, रूसी आक्रमणमा आमयुक्रेनीले पनि ज्यान गुमाएका छन्।एक स्रोतका अनुसार हिजो बुधबारसम्म २ सय २७ युक्रेनी नागरिकको मृत्यु भएको छ भने ५ सय २५ जना घाइते भएका छन्।
जसमध्ये केही बालबालिका पनि परेका छन्।यसअघि युक्रेनी सरकारले २ हजारभन्दा बढी नागरिकको मृत्यु भएको हुन सक्ने बताएको छ। युद्धका बेला ज्यान गुमाउनेको संख्या एकीन गर्न निकै गाह्रो हुन्छ। सैनिकतर्फको क्षतिमा पनि युक्रेन र रूसले फरक–फरक आँकडा सार्वजनिक गरेका छन्।
युक्रेनले अहिलेसम्म ७ हजार रूसी सैनिक मारिएको दाबी गरेको छ। बुधबार पहिलो पटक युक्रेन युद्धमा ज्यान गुमाउनेको संख्या सार्वजनिक गर्दै रूसले आफ्ना ४ सय ९८ सैनिक मारिएको र १ हजार ५ सय ९७ भन्दा बढी घाइते भएको जनाएको छ।त्यस्तै युक्रेनतर्फ २ हजार ८ सय ७० सैनिक मारिएको, ३ हजार ७०० घाइते भएको र ५ सय ७२ लाई रूसी सेनाले नियन्त्रणमा लिएको मस्कोको दाबी छ।
यहाँ कमेन्ट गर्नुहोस्