जनता अभियान बिहिबार, चैत्र १०, २०७८
नेकपा माओवादी केन्द्रका अध्यक्ष पुष्पकमल दाहाल प्रचण्डले आगामी तीनै तहको चुनावमा गठबन्धन कायम रहने बताएका छन् ।
चितवन काँग्रेसले भनेर नहुने भन्दै उनले तीनै तहको चुनावमा नेपाली कांग्रेससँग गठबन्धन हुने बताएका हुन् । स्थानीय तह चुनावको मिति घोषणा भएपछि पहिलो पटक गृह जिल्ला चितवन पुगेका प्रचण्डले पत्रकारसँग कुराकानी गर्दै यस्तो दाबी गरेका छन् ।
नेपाली कांग्रेस चितवनका केन्द्र र जिल्लास्तरका नेताहरुले भरतपुरमा प्रमुखको दाबी नछाड्ने बताउँदै आएका छन । त्यही सम्बन्धमा सोधिएको प्रश्नमा प्रचण्डले चितवन कांग्रेसले भनेर केही नहुने भन्दै कांग्रेसले एक्लै लड्छौँ नभनेकाले केही मान्छेले मात्रै भनेकोमा फरक नपर्ने जिकिर गरे ।
माओवादी केन्द्रले गठबन्धन हुँदा भरतपुर आफ्नो भागमा पर्ने भन्दै रेनु दाहाललाई मेयरमा दोहोर्याउने तयारी गरेको छ । भरतपुर महानगरपालिकामा यसअघि पनि कांग्रेससँग तालमेल गरेर रेनु दाहाल मेयरमा निर्वाचित भएकी थिइन ।
यहाँ कमेन्ट गर्नुहोस्