बिनाेद मेहता सोमबार, बैशाख १२, २०७९
वैशाख ३० गते हुन लागेको स्थानीय तहको निर्वाचनमा देवानगन्ज गाउँपालिका वडा नं ३ को वडाध्यक्षमा विजयकुमार मेहताले आफ्नो उम्मेदवारी दर्ता गरेका छन् । सोमबार मनोनयन दर्ताको अन्तिम दिन नेकपा एमालेको तर्फबाट मेहताले वडा नं ३ को वडाध्यक्षका लागि उम्मेदवारी दर्ता गरेका हुन् ।
मेहताले आज देवानगन्ज गाउँपालिकास्थित निर्वाचन अधिकृतको कार्यालय पुगेर उम्मेदवारी दर्ता गराएका हुन् । उम्मेदवारी दर्तापछि उनले वडा नं ३ को विकासका लागि आफ्नो योगदान रहने प्रतिक्रिया दिए ।
‘अघिल्लो नेतृत्वले जनअपेक्षाअनुरूप काम गर्न सकेन, हाम्रो वडाबासी सन्तुष्ट देखिएनन्,’ उनले भने । वडा नं ३ को नेतृत्वका लागि बहालवाला वडाध्यक्ष अनिलकुमार भगत पनि प्रतिस्पर्धामा छन् ।
जनता समाजवादी पार्टी (जसपा) का उनले सोमबार नै मनोनयन दर्ता गराए । त्यसबाहेक नेकपा माओवादी केन्द्रका भीमनन्दन शर्माले पनि वडाको नेतृत्वमा दाबेदारी प्रस्तुत गर्ने भएका छन् । आजै उनले पनि आफ्नो उम्मेदवारी दर्ता गराएका हुन् ।
यहाँ कमेन्ट गर्नुहोस्