जनता अभियान शुक्रबार, साउन १३, २०७९
पूर्वप्रधानमन्त्री एवम् नेकपा (एमाले) का अध्यक्ष केपी शर्मा ओली यतिबेला गृहजिल्ला झापामा छन्। उनी स्थानीय तह निर्वाचनको समीक्षाका लागि बुधबार झापा आइपुगेका हुन्।
बुधबार नै ओलीले नेपाल उत्पीडित जातीय मुक्ति समाज झापाको अगुवा कार्यकर्ता प्रशिक्षण कार्यक्रमलाई सम्बोधन गरेका थिए।
बिहीबार (आज) बिहान भने बिर्तामोडस्थित स्थानीय खेलाडीहरूसँग ब्याटमिन्टन खेल्दै देखिएका छन्।
झापा क्षेत्र नं. ५ का प्रतिनिधिसभा सदस्यसमेत रहेका ओलीले आज र भोलि आफ्नो निर्वाचन क्षेत्रमा हुने कार्यक्रममा सहभागिता जनाउने बताइएको छ।
लगातर दुई दिनसम्म आफ्नो निर्वाचन क्षेत्रसहित जिल्लाभरिका नेता र कार्यकर्तालाई भेट्ने उनको कार्यक्रम रहेको एमाले झापाका अध्यक्ष दीपक कार्कीले बताए।
यहाँ कमेन्ट गर्नुहोस्