जनता अभियान शनिबार, भाद्र ११, २०७९
त्रिभुवन अन्तर्राष्ट्रिय विमानस्थलबाट एक महिला सुनसहित पक्राउ परेकी छिन्।
पक्राउ पर्नेमा भक्तपुर नगरपालिका-८ सुकुलढोका बस्ने ५६ वर्षीया कविता श्रेष्ठ रहेकी छिन्।
त्रिभुवन अन्तर्राष्ट्रिय विमानस्थल सुरक्षा कार्यालयका अनुसार उनलाई ७७० ग्राम सुनसहित बिहीबार पक्राउ गरिएको हो।
सुरक्षा कार्यालयका प्रमुख प्रहरी नायब महानिरीक्षक श्याम ज्ञवालीका अनुसार उनी फ्लाई दुबईबाट काठमाडौं उत्रिएकी थिइन्।
उनले लगाएको वस्त्र स्लाक्सभित्र डाइपरमा लुकाएर सुन ल्याएकी थिइन्।
अवैध रूपमा भन्सार छली गरी सुन ल्याएको पाइएपछि उनलाई पक्राउ गरी कारबाहीको लागि त्रिभुवन विमानस्थल भन्सार कार्यालयमा बुझाइएको प्रहरीले जनाएको छ ।
यहाँ कमेन्ट गर्नुहोस्