विनोद मेहता शनिबार, आश्विन २२, २०७९
सुनसरीको देवानगन्ज गाउँपालिकामा गाउँपालिकास्तरीय हाजिरीजवाफ प्रतियोगिता हुने भएको छ।
आगामी सोमबार बिहान १० बजेदेखि देवानजगन्ज–६ स्थित श्री जनता आधारभूत विद्यालयमा हाजिरीजवाफ प्रतियोगिता हुन लागेको हो।
हाजिरीजवाफ प्रतियोगिताको विजेता टिमले पाँच हजार, द्वितीयले चार हजार र तृतीय पुरस्कारका रुपमा दुई हजार रुपैयाँ पाउने छन्।
गाउँपालिकाको सहयोगमा वडा स्तरीय बालक्लब संजाल देवानगंज–६ ले सो प्रतियोगिता आयोजना गर्न आँटेको हो।
सो प्रतियोगितामा सहभागी हुन चाहने समुहले आजसम्म नाम दर्ता गराई सक्नु पर्नेछ।
प्रत्येक समूहमा तीन जनाको दरमात्र सहभागी हुन पाउने व्यवस्था रहेको आयोजकले जनाएको छ।
यहाँ कमेन्ट गर्नुहोस्