जनता अभियान आइतबार, आश्विन ३०, २०७९
प्रहरीले भद्रपुर नगरपालिका-३ पैंतिसलाइनबाट करिब दुई लाख रुपैयाँ मूल्य बराबरको २ कार्टुन पटाका शनिबार बिहान बरामद गरेको छ।
अबैध रुपमा ल्याउँदै गरेको उक्त पटाका वडा प्रहरी कार्यालय भद्रपुरबाट खटिएको प्रहरीले फेला पारी बरामद गरेको हो।
यसैगरी झापा, भद्रपुर नगरपालिका-३ गोलेचोकबाट करिब ४ लाख रुपैयाँ मूल्य बराबरको ४ कार्टुन पटाका शनिबार बिहान प्रहरीले बरामद गरेको छ। अवैध रूपमा ल्याउँदै गरेको उक्त पटाका वडा प्रहरी कार्यालय भद्रपुरबाट खटिएको प्रहरीले फेला पारी बरामद गरेको हो।
यसैगरी झापा, शिवसताक्षी नगरपालिका-१० माईधारबाट करिब २ लाख ५० हजार रुपैयाँ मूल्य बराबरको ७ बोरा झिरझिरे पटाका शनिबार बिहान प्रहरीले बरामद गरेको छ।
अवैध रूपमा भारतबाट ल्याउँदै गरेको उक्त पटाका जिल्ला प्रहरी कार्यालय झापा र अस्थायी प्रहरी चौकी माईधारबाट खटिएको प्रहरीले फेला पारी बरामद गरेको हो।
यहाँ कमेन्ट गर्नुहोस्