विनोद मेहता बिहिबार, कार्तिक ०३, २०७९
म के गर्न सक्छु अभियानले आयोजना गरेको उद्घोषण तथा भाषण कला तालिम बिहीबार सम्पन्न भएको छ।
विराटनगरको शुभ होटलमा आज प्रमाणपत्र वितरण गरेर तीन दिने निःशुल्क तालिमको समापन गरिएको हो।
मबाट परिवर्तन सम्भव छ नामक नाराका साथ आयोजना भएको तालिममा मोरङका विभिन्न पालिकाका ३० जना प्रशिक्षार्थी सहभागी थिए।
सगरमाथा प्रिन्टर्स एन्ड सप्लायर्सको सहयोगमा आयोजित तालिम सोमबारबाट सुरु भएको थियो। तालिमको सहजीकरण रेडियो नागरिक, विराटनगरका प्रबन्ध निर्देशक अरबिन्द मेहता र सूचनाको हकका अभियन्ता राजु श्रेष्ठले गरेका थिए।
नेपाल पत्रकार महासंघ, मोरङका सभापति सञ्जीव खनालको प्रमुख आतिथ्यतामा सम्पन्न प्रमाणपत्र वितरण कार्यक्रममा मुख्यमन्त्री कार्यालयका प्रेस संयोजक तथा पत्रकार बन्धु पोखरेल, पत्रकार कौशल निरौला, पत्रकार मीनकुमार नवोदितलगायतको सहभागी थिए।
यहाँ कमेन्ट गर्नुहोस्