जनता अभियान शनिबार, पुष ०२, २०७९
बुटवल उपमहानगरपालिका-९ बस्ने भारत घर भएका ५५ वर्षीय अजय सोनीको हत्या आरोपमा सात जना पक्राउ परेका छन्।
बुटवल उपमहानगरपालिका-८ राजमार्ग चौराहमा मागी खाई हिँड्ने हाल वतन नखुलेका २९ वर्षीय कृष्ण सिन्जाली मगरलगायत सात जनालाई चक्कुसहित शुक्रबार साँझ प्रहरीले पक्राउ गरेको हो।
सोनीको धारिलो हतियार चक्कु प्रहार गरी हत्या गरिएको थियो।
आफ्नो ठेलामा रहेको बदाम र चकलेट उनीहरूले चोरी गरी लगेको भन्दै सामान फिर्ता माग्न जाँदा अजयमाथि चक्कु प्रहार भएको थियो।
खबर प्राप्त हुनासाथ वडा प्रहरी कार्यालय बुटवलबाट खटिएको प्रहरीले घाइतेलाई उपचारको लागि लुम्बिनी प्रादेशिक अस्पताल बुटबल पठाएकोमा उपचारको क्रममा मृत्यु भएको थियो।
यहाँ कमेन्ट गर्नुहोस्