विनोद मेहता आइतबार, माघ २१, २०८०
देवानगन्ज । सुनसरीको बर्जु गाउँपालिकामा मोटरसाइकलको ठक्करबाट एक महिला घाइते भएकी छन् ।
शनिबार साँझ ७ बजेतिर बर्जु-५ अमाही बेलाचोकमा प्रदेश १-०२-०४५ प १७२५ नम्बरको मोटरसाइकलले बाटो क्रस गर्दै गरेकी महिलालाई ठक्कर दिएको थियो ।
मोटरसाइकलको ठक्करबाट अमाहीकै अन्दाजी ४३ वर्षीया सुशीला चौधरी घाइते भएको प्रहरीले जनाएको छ ।
विराटनगर-देवानगन्ज भित्री सडकखण्डअन्तर्गत अमाहीमा देवानगन्जबाट विराटनगरतर्फ जाँदै गरेको मोटरसाइकले उनलाई ठक्कर दिएको थियो ।
मोटरसाइकलको ठक्करबाट चौधरीको दाहिने खुट्टा र टाउकोमा चोट लागेको छ ।
उनलाई उपचारको लागि गोल्डेन हस्पिटल विराटनगर पठाएको प्रहरीले जनाएको छ ।
इलाका प्रहरी कार्यालय सीतागन्जले मोटरसाइकल चालक देवानगन्ज गाउँपालिका-३ बस्ने
२१ वर्षीय मनिष मेहेतालाई नियन्त्रणमा लिएको छ ।
दुर्घटनामा घाइते भएका मेहता प्रहरीको निगरानीमा उपचाररत छन् ।
यहाँ कमेन्ट गर्नुहोस्