जनता अभियान शुक्रबार, मंसिर ०३, २०७८
टी-२० क्रिकेटमा बङ्गलादेशलाई हराउँदै पाकिस्तान विजयी भएको छ ।
बङ्गलादेशसँगको पहिलो टी-२० क्रिकेटमा पाकिस्तानले चार विकेटको जित हात पारेको हो । बङ्गलादेशले दिएको १ सय २८ रनको मध्यम लक्ष्य पाकिस्तानले १९ ओभर २ बलमा ६ विकेट गुमाएर भेटाएको थियो ।
यसअघि ढाकामा टस जितेर पहिले ब्याटिङ गरेको बङ्गलादेशले निर्धारित २० ओभरमा सात विकेट गुमाएर एक सय २७ रन बनाएको थियो । यो जितसँगै पाकिस्तानले तीन खेलको शृङ्खलामा एक-शून्यको अग्रता लिएको छ ।
अहिले पाकिस्तान बङ्गलादेश भ्रमणमा छ । यी दुई टोलीले दुई खेलको टेस्ट शृङ्खला पनि खेल्नेछन ।
यहाँ कमेन्ट गर्नुहोस्