जनता अभियान शुक्रबार, साउन २६, २०८०
कोशी प्रदेश सरकारमा जनता समाजवादी पार्टी (जसपा) पनि सहभागी हुने भएको छ ।
शुक्रबार जसपाकी एक मात्र सांसद निर्मला लिम्बु मन्त्री बन्ने छिन् ।
सरकारलाई समर्थन गरेको जसपाले मुख्यमन्त्रीले विश्वासको मत लिएपछि मात्रै सरकारमा सहभागि हुने बताएको थियो ।
मुख्यमन्त्री उद्धव थापाले प्रदेशको नामाकरणलाई लिएर आन्दोलनरत पहिचान पक्षधरसँग वार्ता गर्ने प्रतिवद्धता जनाएपछि जसपा आजैसरकारमा सहभागी हुन तयार भएको हो ।
जसपाका एक्ला प्रदेशसभा सदस्य निर्मला लिम्बुलाई मन्त्री नियुक्त गर्न लागिएको मुख्यमन्त्री उद्धव थापाले बताए । उनलाई स्वास्थ्य मन्त्रालय जिम्मा दिने तयारी रहेको उनले बताए । लिम्बुको सपथ दिउँसो ३ बजेका लागि तय गरिएको छ ।
यहाँ कमेन्ट गर्नुहोस्