जनता अभियान बिहिबार, पुष १९, २०८०
विराटनगर । समाज सेवामा सक्रिय रहेका अभिषेक गिरिले कोसी अस्पतालमा उपचाररत कैदीबन्दीलाई कम्बल वितरण गरेको छ । गिरिले बिहीबार आफ्नो गिरि फाउन्डेसनमार्फत कैदीबन्दीलाई जाडोमा न्यानो आभास दिलाउन कम्बल वितरण गरेको हुो ।
मोरङ कारागारबाट उपचारका लागि कोसी अस्पतालमा भर्ना भएका कैदीबन्दी कम्बल अभावका कारण चिसोको सिकार भइरहेको गुनासो आएपछि न्यानो कम्बल वितरण गरिएको गिरिको भनाइ छ । अस्पतालमा कैदीबन्दीलाई विभेद र उपचारमा लापरबाही भइरहेकाले सबै बिरामीलाई समान व्यवहार गर्न अस्पताल प्रशासनसमक्ष आग्रह गरिएको उहाँले बताउनुभयो ।
गिरिले पहिलो चरणमा १० जना कैदीबन्दीलाई १० थान कम्बल बाँडेको हो । कम्बल पाएपछि कैदीबन्दीले गिरीप्रति आभार ब्यक्त गर्नुभयो ।
साथै, गिरिले कोसीमा उपचाररत बिरामी कैदीबन्दीलाई उपचारमा विभेद नगर्न मेडिकल सुपरिटेन्डेन्ट डा. चन्द्रभाल झासँग आग्रह गर्नुभयो । अस्पतालका बेथिति र अनियमिततालाई निराकरण गर्नेगरी काम गर्न सुझाव दिँदै उहााले अस्पताल सुध्रिएमा मेसुकै नाम कहलिने उल्लेख गर्नुभयो ।
गिरि पछिल्लो समय सामाजिक काममै तल्लीन देखिएको छ । समाजसेवामै सक्रिय रहने अभिप्रायको साथ उहाँले गिरि फाउन्डेसनको स्थापना गरेको हो ।
यहाँ कमेन्ट गर्नुहोस्