जनता अभियान आइतबार, फाल्गुण १३, २०८०
म्यानचेस्टर युनाइटेड इंग्लिस प्रिमियर लिगमा शनिबार पराजित भएको छ।
शनिबार घरेलु मैदानमा भएको खेलमा युनाइटेड फुलहमसँग २–१ ले पराजित भएको हो।
९ मिनेट थपिएको इन्जुरी समयको सातौं मिनेटमा एलेक्स लोबीको गोलमा फुलहम विजयी भएको थियो।
एडामा ट्राओरेको पासमा एलेक्सले गोल गरेका थिए। त्यसअघि काल्भिनको गोलमा फुलहमले अग्रता लिएको थियो। टिमोथी कास्टाङेको पासमा काल्भिनले गोल गरेका हुन्।
खेल सकिन एक मिनेट बाँकी रहँदा युनाइटेड खेलमा फर्किएको थियो। तर टोली इन्जुरी समयमा सम्हालिन सकेन।
ह्यारी म्यागुएरले ८९ औं मिनेटमा बराबरी गोल गर्दै युनाइटेडका लागि आश दिलाएका थिए।
हारपछि शीर्ष ४ भित्र पर्ने युनाइटेडको योजनामा धक्का लाग्ने देखिएको छ। युनाइटेड ४४ अंकका साथ छैटौं स्थानमा छ। फुलहम ३२ अंकसहित १२ औं स्थानमा छ।
प्रिमियर लिगका अन्य खेलमा एस्टन भिल्लाले नटिङघम फरेस्टलाई ४–२ ले, क्रिस्टिल प्यालेसले बनर्लीलाई ३–० ले हराएको छ भने ब्राइटन र एभर्टनले १ –१ को बराबरी खेलेका छन्।
अर्को खेलमा आर्सनल र म्यानचेस्टर सिटी विजयी भएका छन्।
यहाँ कमेन्ट गर्नुहोस्